మాజీ డిప్యూటీ సీఎం ఆళ్ల నాని కన్నుమూత

ఏలూరు నుంచి మూడుసార్లు ఎమ్మెల్యేగా విజయం.. జగన్‌ కేబినెట్‌లో ఆరోగ్యశాఖ మంత్రిగా బాధ్యతలు ఏలూరు: ఆంధ్రప్రదేశ్‌ మాజీ ఉప ముఖ్యమంత్రి, మాజీ ఆరోగ్యశాఖ మంత్రి ఆళ్ల నాని (57) కన్నుమూశారు. విశాఖపట్నంలో మంగళవారం గుండెపోటుతో తుదిశ్వాస విడిచారు. ఆయన అసలు పేరు ఆళ్ల కాళీకృష్ణ శ్రీనివాస్‌. 1969 డిసెంబర్‌ 30న జన్మించిన ఆళ్ల నాని ఏలూరు నుంచి మూడుసార్లు ఎమ్మెల్యేగా విజయం సాధించారు. వైఎస్‌ రాజశేఖర్‌రెడ్డి మరణానంతరం ఆళ్ల నాని వైఎస్సార్‌ కాంగ్రెస్‌ పార్టీలో చేరారు. 2017లో ఎమ్మెల్సీగా ఎన్నికయ్యారు. అనంతరం వైఎస్‌ జగన్‌మోహన్‌రెడ్డి ప్రభుత్వంలో ఉప ముఖ్యమంత్రిగా, ఆరోగ్యశాఖ మంత్రిగా బాధ్యతలు నిర్వహించారు. ముఖ్యంగా కరోనా మహమ్మారి సమయంలో ఆరోగ్యశాఖ మంత్రిగా కీలక బాధ్యతలు నిర్వర్తించారు. 2024 అసెంబ్లీ ఎన్నికల అనంతరం వైఎస్సార్‌ కాంగ్రెస్‌ పార్టీకి రాజీనామా చేసిన ఆళ్ల నాని తెలుగుదేశం పార్టీలో చేరారు. ఆయన మృతితో రాజకీయ వర్గాల్లో విషాదం నెలకొంది. ఆళ్ల నాని మృతికి పలువురు రాజకీయ నాయకులు, ప్రజాప్రతినిధులు సంతాపం తెలిపారు.